SME Assistance

ការបណ្តុះបណ្តាលបច្ចេកវិទ្យា

មជ្ឈមណ្ឌលភ្ញាស់បច្ចេកវិទ្យា គឺជាការខិតខំប្រឹងប្រែងមួយ ទៀតរបស់ក្រសួងឧស្សាហកម្មរ៉ែនិងថាមពល សំរាប់ជួយដល់ សហគ្រាសធុនតូច និងមធ្យមក្នុងការបង្កើននូវចំណេះដឹង ដើម្បីលើកកំពស់ផលិតភាព និងគុណភាពផលិតផលចំណី អាហារ ។កង្វះខាតនូវបច្ចេកវិទ្យាជឿនលឿន កិច្ចសហការ និងបរិក្ខាផ្សេងៗធ្វើឱ្យការអភិវឌ្ឍន៍ឧស្សាហកម្មផលិត ចំណីអាហារមានការយឺតយ៉ាវ ការធានាគុណភាពផលិតផលដល់អ្នកប្រើប្រាស់មានកំរិត ហើយធ្វើឱ្យផលិតផលចំណី អាហារពុំមានភាពប្រកួតប្រជែងខ្ពស់ឡើយ ។

គោលបំណងចំបងរបស់មជ្ឈមណ្ឌលភ្ញាស់បច្ចេកវិទ្យាមានៈ (១)ធ្វើការបណ្ដុះបណ្ដាលស្ដីពីបច្ចេកវិទ្យាផលិតចំណីអាហារ និងការត្រួតពិនិត្យគុណភាពចំណីអាហារ (២)ធ្វើការពិសោធន៍សាកល្បងនូវបច្ចេកវិទ្យាថ្មីៗ និង (៣)ធ្វើការសិក្សា ស្រាវជ្រាវដើម្បីឆ្លើយតបទៅនឹងតំរូវការរបស់រោងចក្រ-សិប្បកម្ម ។

បច្ចុប្បន្ន មជ្ឈមណ្ឌលភ្ញាស់បច្ចេកវិទ្យាបានជ្រើសរើសយកការបណ្ដុះបណ្ដាលខាងក្រោមៈ

- បច្ចេកវិទ្យាសំអាតទឹក ដែលអនុវត្ដសំរាប់សហគ្រាសផលិតទឹកពិសាដប ទឹកកក និងសហគ្រាសដ៏ទៃទៀត ។

- បច្ចេកវិទ្យាផលិតទឹកស៊ីអ៊ីវ សំរាប់សហគ្រាសផលិត ទឹកស៊ីអ៊ីវ ។

- ការអនុវត្ដន៍ផលិតកម្មល្អ និងអនាម័យល្អក្នុងរោងចក្រ-សិប្បកម្ម ។

រូបភាពទី១: សកម្មភាពក្នុងពេលបណ្តុះបណ្តាល

បច្ចេកវិទ្យាសំអាតទឹកត្រូវធ្វើការបានសិក្សាស្រាវជ្រាវយ៉ាងល្អិតល្អន់សំរាប់ផលិតទឹកពិសាដប ទឹកកក និងការផ្គត់ផ្គង់ទឹក ស្អាត ។ បន្ទាប់មក លទ្ធផលនៃការសិក្សានេះត្រូវបានយកមកប្រើប្រាស់សំរាប់ធ្វើការបណ្ដុះបណ្ដាល ។ជាលទ្ធផល សិក្ខាកាមបានយល់ដឹងថា តើត្រូវសំអាតទឹកប្រភពយ៉ាងដូចម្ដេច ដើម្បីបានជាទឹកប្រកបដោយគុណភាពអនុលោមតាម ស្ដង់ដារទឹកផឹកជាតិ ។បច្ចេកវិទ្យាផលិតទឹកស៊ីអ៊ីវទាំង វិធីសាស្ដ្រអ៊ីដ្រូលីសដោយប្រើប្រាស់អាស៊ីដ និងមេធម្មជាតិ ត្រូវបានអភិវឌ្ឍប្រកបដោយជោគជ័យដោយក្រុមផ្ដល់ជំនួយបច្ចេកទេស ។បច្ចេកវិទ្យានេះបានផ្ដល់នូវទិន្នផលផលិតកម្ម និងផលិតភាពខ្ពស់ហើយទឹកស៊ីអ៊ីវមានគុណភាពអនុលោមតាមស្ដង់ដារជាតិ ។បច្ចេកវិទ្យាផលិតសាច់ប្រហិត សាច់ប៉ាតេ មី គុយទាវ និងពពុះសណ្ដែក កំពុងតែធ្វើការសិក្សាស្រាវជ្រាវ ហើយការបណ្ដុះបណ្ដាលរំពឹងថានឹងប្រព្រឹត្ដធ្វើនៅពេល ខាងមុខ ។

គ្រូឧទេសនាមជំនាញ គឺជាសមាជិកនៅក្នុងក្រុមផ្ដល់ជំនួយច្ចេកទេស មានសមត្ថភាពលើផ្នែកផលិតកម្មចំណីអាហារ និង ការត្រួតពិនិត្យគុណភាព ។ សហគ្រិនត្រូវដាក់ពាក្យចូលរៀននៅនាយកដ្ឋានបច្ចេកទេសឧស្សាហកម្មនៃអគ្គនាយកដ្ឋាន

ឧស្សាហកម្មក្រសួងឧស្សាហកម្ម រ៉ែនិងថាមពល ដែលមានអស័យដ្ឋានលេខ ៤៥មហាវិថីព្រះនរោត្ដម រាជធានីភ្នំពេញ ទូរស័ព្ទលេខ ០២៣ ២២២៥០៤ / ០១២ ៨៦៩៤៧០ / ០១២ ២៤៩១៤១ ។វគ្គបណ្ដុះបណ្ដាល ជាច្រើនលើកស្ដីពី បច្ចេកវិទ្យាសំអាតទឹក ត្រូវបានធ្វើសំរាប់ផ្ដល់ជូនដល់សហគ្រិនផលិតទឹកពិសាដប ទឹកកក និងទឹកស៊ីអ៊ីវ ដែលមកពីបណ្ដា ខេត្ដនានាប្រកបដោយជោគជ័យ (រូបភាពទី ១)។ សិក្ខាកាមអាចសិក្សាទាំងផ្នែកទ្រឹស្ដី និងអនុវត្ដ សំរាប់សំអាតទឹក ប្រភពផ្សេងៗដើម្បីបានជាទឹកផឹក (រូបភាពទី ២)។មានអ្នកដាក់ពាក្យស្នើសុំជាច្រើនបានមកចុះឈ្មោះ ហើយការបណ្ដុះ បណ្ដាលនឹងផ្ដល់ជូនជាបន្ដបន្ទាប់ ។

រូបភាពទី២: សកម្មភាពអនុវត្តជាក់ស្តែងក្នុងការសំអាតទឹក និងការធ្វើតេស្តទឹក

ដោយប្រើប្រាស់នូវមជ្ឈមណ្ឌលភ្ញាស់បច្ចេកវិទ្យា យើងបានធ្វើការសិក្សាយ៉ាងល្អិតល្អន់ទៅលើបច្ចេកវិទ្យាសំអាតទឹកសំរាប់ផលិត ទឹក និងទឹកកក និងបច្ចេកវិទ្យាផលិតទឹកស៊ីអ៊ីវ។សិប្បកម្មចំនួន ៣៥ បានស្នើរសុំជំនួយចច្ចេកទេស ហើយក្រុម ជំនួយចច្ចេកទេសបានផ្ដល់នូវការប្រឹក្សាដល់ទីកន្លែងផលិត។រោងចក្រទាំងនោះភាគច្រើនបានកែប្រែផលិតកម្ម និង គុណភាពប្រកបដោយជោគជ័យ(រូបភាពទី ៣)។

រូបភាពទី៣: ការកែប្រែបច្ចេកវិទ្យា និងអនាម័យ

ជាលទ្ធផលនៃវគ្គបណ្ដុះបណ្ដាលជាច្រើនស្ដីពីបច្ចេកវិទ្យាសំអាតទឹក ជាមួយនឹងកិច្ចពង្រឹងការអនុវត្ដន៍ច្បាប់លើគុណភាព ទឹកពិសាដប ទឹកកក និងទឹកស្អាតតាមបណ្ដញចែកចាយ គុណភាពទឹកដែលបានធ្វើតេស្ដក្នុងឆ្នាំ ២០១០ បាន អនុលោមតាមស្ដង់ដារទឹកផឹកជាតិតាមលំដាប់ ចំនួន ៨៨% ៥០% និង ៨២% បើប្រៀបធៀបទៅឆ្នាំ២០០៩ដែលមានតែ ៨៣% ៣៥% និង ៧០% តែប៉ុណ្ណោះ ។

រូបភាពទី៤: ការកែប្រែបច្ចេកវិទ្យាសម្រាប់ផលិតទឹក

ជាជំហានសំរាប់ផលិតឹកកកល្អយើងត្រូវផលិតទឹកមានគុណភាពអនុលោមទៅតាមស្ដង់ដារទឹកផឹកជាតិ។ចន្ទាប់មកយើង ត្រូវយកចិត្ដទុកដាក់លើផ្នែកអនាម័យរបស់កម្មករ ដើម្បីចាសវាងការឆ្លងមេរោគពីក្រៅទៅក្នុងទឹកកកពេលធ្វើការបង្កក។ រូបភាពទី ៤ បង្ហាញពីប្រព័ន្ធប្រព្រឹត្ដកម្មទឹកសំរាប់ផលិតទឹកកក។

តើដាក់ពាក្យសុំចូលរៀន ឬសុំជំនួយចច្ចេកទេសនៅឯណា?

ទាក់ទង លេខាធិការដ្ឋាននៃនាយកដ្ឋានឧស្សាហកម្ម ឬ

នាយកដ្ឋានបច្ចេកទេសឧស្សាហកម្មនៃក្រសួង ឧស្សាហកម្ម

រ៉ែ និង ថាមពល

No. 45, Norodom Blvd., Phnom Penh,

Tel: 023 222504 / 012 869470 / 012 249141.

Who's Online